O'roq
Dilshod RAJAB
Dеhqon qo‘lidagi shu o‘roq
So‘roq bo‘lib ko‘rinar mеnga:
Kimning arpasini xom o‘rdim,
... nеga? ... nеga? ... nеga?
Ketmon
Dilshod RAJAB
Tinmay ishlar, yеr chopar dеhqon,
To kеchgacha, saharlab turib.
“Dam oling” dеb yolvorar kеtmon,
Oyog‘iga har dam bosh urib.
Orif To'xtash
Qopqoncha
Sichqonni chaqiradi,
“Ziyofat”ga go‘sht bilan.
U tishlab tortgan payti,
Tushuradi “musht” bilan.
Kirpining e'loni
Orif To'xtash
- Bu – bozor iqtisodi,
Narx-navo biroz qimmat.
Arzon igna kerakmi? –
Mendan so‘rang, marhamat!
Biroq esdan chiqarmang,
Shuni tuting nazarda.
Yo‘qlasangiz birodar,
Men bo‘laman bozorda.
Kim aytar: u parimas …
Dilshod Rajab
Kim aytar: u parimas?!
Undan chiroy arimas!
Har yil bir yosh o‘ssa ham,
Qorqiz sira qarimas!
Chunki dili pok uning,
Orzulari oq uning.
Nomi qordan bo‘lsa ham,
Mehri ko‘p qaynoq uning.
Huquqimiz bilamiz, burchimiz ham yodda bor …
Iqbol Mirzo
Huquqimiz bilamiz,
Burchimiz ham yodda bor.
Bosh qomusda burchingni
Bajar, degan modda bor.
Yangi yil sovg‘asi
Orif To‘xtash
Hamma tomon oppoq qor,
Yer oq ko‘rpa ostida –
Mizg‘ib yotar intiq, zor
Bahoroyning vasliga.
Borliqni xo‘p allalab,
Ko‘kdan o‘ynab qor tushar.
Qiyqirishib bolalar –
Bunda chana tortishar.
