Laylak qor
Qutbi Nosirova
Qor yog'ar elak-elak,
Yog'ar bo'lib charxpalak.
Qo'ngan zamon kaftimga,
Erib ketar taftimga.
Quvnoq qor,
Oppoq qor.
Qish boshlandi
Nurullo Oston
Dov-daraxtlar mizg'igan,
Izg'irin уel izg'igan.
Ko'chalar yaraqlaydi.
Yulduzlar charaqlaydi.
Turnalar
Sodiqjon Inoyatov
Kuz keldi, o'xshagancha
Mayin, dilxush navoga.
Turnalarning "qur-quri"
Taralmoqda havoga.
Ana, ular to'planib
Ketmoq uchun janubga,
Marvarid munchoqlarday
Tizildilar bir ipga.
Paxta
Asom Ziyomat
Chanoqlarda
Oppoq paxta
Kulib turar,
Qanday baxt-a!
Erkalanib
Tebranadi,
Yal-yal yonib
Tovlanadi.
Piyolaning hazil
Dilshod Rajab
Choynak do‘stim, ne uchun
Burning doim osmonda?
Haa, bilaman, og‘zingga
Quyib turar qumg‘onlar.
So‘nggi yaproq
Dilshod Rajab
Daraxtning bir
Butog‘i
Tutib turar
Yaproqni
Qo‘llarida
Avaylab.
Nogoh kelar yel
Poylab.
Oltin kuzim
Asom Ziyomat
Mevalarni
Shakar etding,
Yaproqlarni
Sim-zar etding,
Oltin kuzim.
To’kin-sochin
Dala-yu bog…
Dehqonlarning
