Kuz
Tursunboy Adashboyev
Yana xazonrezgilik,
Bog’lar rangi siniqdi.
Dilda hokim ezgulik,
Anhorda suv tiniqdi.
Oq yaktakli qayinlar
Taqdi yana zar baldoq.
Qushlarga gap tayinlab,
Chag’-chag’laydi zarg’aldoq.
Piyoz
Anvar Obidjon
Yerga chuqur
Botsam men,
Berkinvolib
Yotsam men,
Izlab topdi
Oshpazlar,
Meni chopdi
Oshpazlar.
Dutor sehri
Po‘lat Mo‘min
Nedandir bir kun, qarang,
Asabim bo‘ldi tarang.
Ko‘nglim xiradan xira,
Ta’bim ochilmas sira.
O‘zimni qo‘yay qayga?
Qisilardi yuragim.
Xonamda radioning
Qulog‘ini buradim.
Ona tilim
Po‘lat Mo‘min
O‘rgilayin,
Ona tilim,
O‘zginangdan.
Tillarimga
Bol keladir
So‘zginangdan.
Kichik Jahongir so‘zi
G‘ulom Shomurod
Jahongir Temur kabi,
Bo‘lsin deya bahodir,
Ota-onam nomimni,
Qo‘ygan balki Jahongir.
Yulduzlar
G‘ulom Shomurod
Oftob o‘chib,
Ketdi kunduz.
Ko‘kka ko‘chib,
Chiqdi yulduz.
Nurin tarab
Keng osmonga.
Yulduz qarab
Men tomonga