Oybek va Navoiy
Abdulla Sher
O’zbekiston Oybek bilan xayrlashgan kun
Mangulikdan bir lahzaga keldi Navoiy, —
Tiriklarga sezdirmasdan siladi beun
Oybekning manglayini ruhi samoviy
Hozir yoshim oltida
Yo‘ldosh Sulaymon
Hozir yoshim oltida,
Katta-kichik oldida
Yurishlarim bo‘lakcha,
Turishlarim bo‘lakcha.
Chunki aqlim kirgan-da,
Uyga mehmon kelganda,
Ko‘zni qilib shamg‘ilat
Olmasman hech shokolad.
Muloyim ko‘chasi
Kavsar Turdiyeva
Sehrgar tushib pastga,
Nimadir dedi asta.
O‘shandan buyon doim
Mening nomim muloyim.
Bizda tuzilgan lug‘at
Eng yaxshi so‘zdan faqat.
Salom, hormang, marhamat,
Salomat bo‘ling, rahmat.
Qor parchalar
Kavsar Turdiyeva
Qor parchalar, parchalar,
Oq kiyadi archalar.
Qir, adirlar, qo‘ralar
Oq kiyimga o‘ralar.
Qish yaqin
Rauf Tolib
Quyonga dedi Ayiq:
— Buncha shoshasan, qiziq?
— Qish kelar qilich qayrab,
Qandoq o‘tiray qarab?
Qish g‘amini yeyapman.
—To‘xta, nima deyapsan?
Qish degani bir kecha…
— Unday emasdir hecham.
Qorqiz
Anvar Obidjon
Yo'laklarim - olmos qor,
Ko'ylaklarim — olmos qor,
Sochlarim ham olmos qor,
Tojlarim ham olmos qor.
Oqqina oqqush-oqqizman,
Qorbobo qorgan qorqizman.
Yo'ymang meni sho'r tuzga,
O'xshatmanglar g'irt muzga.
Qor
Hamidulla Yoqubov
Qor, qor, qorlar,
Atrof porlar.
Yilt-yilt nurdek,
Oppoq undek.
Shakar undek,
Shakar, desam.
Agar yesam,
Og'rir tishim.
