Bo‘rining dеgani
Orif To‘xtash
– Yurardim Bo‘riman dеb,
O‘rmonning zo‘riman, dеb.
Bugun esa ochman, hoy,
Madorim yo‘q butunlay.
Do‘st-u yor boqar zimdan,
Madad so‘rayman kimdan?
Xiralashgan ko‘zlarim,
Og‘riydi oyoqlarim.
Tulkining dеgani
Orif To‘xtash
– Salom, bu – mеn, tulkiman,
Sizga ayon kimligim.
Tan olaman, bor biroz
Ayyorligim, shumligim.
Yurmagayman lallayib,
Iz qilmayman qishloqni.
Hatto qarg‘a og‘zidan
Ob qochganman pishloqni.
Raqamlar tillashganda
Uchta zarur savolga
Bayon qildim javobim.
Burro-burro gapirdim,
Oxir, bo‘lmadi tobim.
Javob biroz mo‘rt bo‘ldi,
Ammo menga … bo‘ldi
Bolalik baxti
Orif To‘xtash
Ko‘rkam Vatan qo‘ynida,
Ochildi gul-lolalar.
Madh etamiz shodlikni,
Biz baxtiyor bolalar.
Osmonimiz musaffo,
Tiniq otar tongimiz.
Kelajakka nur sochar –
Yolqin misol ongimiz.
Varraklar
Shukrullo
Xursand uyg‘onardim bahor chog‘lari,
Tongdan bo‘lar edi ko‘zim osmonda.
Shamol silkitganda terak shoxlarin,
Quvonchimning cheki bo‘lmasdi manda.
Yangi kelin kabi tomda chuchmoma,
Yal-yal yonar edi lolaqizg‘aldoq.
Lojuvard dengizdek bepoyon samo,
Varraklar quvonchi
Dilshod Rajab
O'tib ketdi badqovoq
Qishning achchiq ayozi,
Tabiat kiymoqda shod
Bayramona libosin.
Guldirab kular osmon
Chaqnab chaqmoq toshlari,
Kulgisining zo'ridan
Chiqib ketar yoshlari.
Hademay
Dilshod Rajab
Yurmas achchiq izg'irin
Dalalarda izillab.
Kelar yoqimtoy shirin
Shabadalar g'izillab.
Oq varaqday osmonda
Turna rasmi chiziiar,
Simlarda qaldirg'ochlar
Askarlarday tizilar.
